Preserving the Way to the Beyond · Translation: Bhikkhu Sujato, SuttaCentral
Parallels & more translations on SuttaCentral
This text has no word-by-word glosses yet — opening it has queued them. Reload in a few minutes.
“Pārāyanamanugāyissaṁ, (iccāyasmā piṅgiyo) Yathāddakkhi tathākkhāsi; Vimalo bhūrimedhaso, Nikkāmo nibbano nāgo; Kissa hetu musā bhaṇe.
“I shall keep reciting the Way to the Far Shore,” said Venerable Piṅgiya, “which was taught as it was seen by the immaculate one of vast intelligence. He is desireless, unentangled, a spiritual giant: why would he speak falsely?
Pahīnamalamohassa, mānamakkhappahāyino; Handāhaṁ kittayissāmi, giraṁ vaṇṇūpasañhitaṁ.
Come, let me extol in sweet words of praise the one who’s given up stains and delusions, conceit and contempt.
Tamonudo buddho samantacakkhu, Lokantagū sabbabhavātivatto; Anāsavo sabbadukkhappahīno, Saccavhayo brahme upāsito me.
The Buddha, All-seer, dispeller of darkness, has gone to world’s end, beyond all rebirths; he is free of defilements, and has given up all suffering, the rightly-named one, brahmin, is revered by me.
Dijo yathā kubbanakaṁ pahāya, Bahupphalaṁ kānanamāvaseyya; Evampahaṁ appadasse pahāya, Mahodadhiṁ haṁsoriva ajjhapatto.
Like a bird that flees a little copse, to roost in a forest abounding in fruit, I’ve left the near-sighted behind, like a swan come to a great river.
Ye me pubbe viyākaṁsu, Huraṁ gotamasāsanā; Iccāsi iti bhavissati, Sabbaṁ taṁ itihītihaṁ; Sabbaṁ taṁ takkavaḍḍhanaṁ.
Those who explained to me previously, before Gotama’s teaching, said ‘thus it was’ or ‘so it shall be’. All that was just the testament of hearsay; all that just fostered speculation.
Eko tamanudāsino, jutimā so pabhaṅkaro; Gotamo bhūripaññāṇo, gotamo bhūrimedhaso.
Alone, the dispeller of darkness is brilliant, a beacon: Gotama, vast in wisdom, Gotama, vast in intelligence.
Yo me dhammamadesesi, Sandiṭṭhikamakālikaṁ; Taṇhakkhayamanītikaṁ, Yassa natthi upamā kvaci”.
He is the one who taught me Dhamma, apparent in the present life, immediately effective, the untroubled, the end of craving, to which there is no compare.”
“Kiṁ nu tamhā vippavasasi, muhuttamapi piṅgiya; Gotamā bhūripaññāṇā, gotamā bhūrimedhasā.
“Why would you dwell apart from him even for an hour, Piṅgiya? From Gotama, vast in wisdom, from Gotama, vast in intelligence?
Yo te dhammamadesesi, Sandiṭṭhikamakālikaṁ; Taṇhakkhayamanītikaṁ, Yassa natthi upamā kvaci”.
He is the one who taught you Dhamma, apparent in the present life, immediately effective, the untroubled, the end of craving, to which there is no compare.”
“Nāhaṁ tamhā vippavasāmi, Muhuttamapi brāhmaṇa; Gotamā bhūripaññāṇā, Gotamā bhūrimedhasā.
“I never dwell apart from him, not even for an hour, brahmin. From Gotama, vast in wisdom, from Gotama, vast in intelligence.
Yo me dhammamadesesi, Sandiṭṭhikamakālikaṁ; Taṇhakkhayamanītikaṁ, Yassa natthi upamā kvaci.
He is the one who taught me Dhamma, apparent in the present life, immediately effective, the untroubled, the end of craving, to which there is no compare.
Passāmi naṁ manasā cakkhunāva, Rattindivaṁ brāhmaṇa appamatto; Namassamāno vivasemi rattiṁ, Teneva maññāmi avippavāsaṁ.
Being diligent, I see him in my mind’s eye day and night. I spend the night in homage to him, hence I think I dwell with him.
Saddhā ca pīti ca mano sati ca, Nāpentime gotamasāsanamhā; Yaṁ yaṁ disaṁ vajati bhūripañño, Sa tena teneva natohamasmi.
My faith and joy and intent and mindfulness never stray from Gotama’s teaching. I bow to whatever direction the one of vast wisdom heads.
Jiṇṇassa me dubbalathāmakassa, Teneva kāyo na paleti tattha; Saṅkappayantāya vajāmi niccaṁ, Mano hi me brāhmaṇa tena yutto.
I’m old and feeble, so my body cannot go there, but I always travel in my thoughts, for my mind, brahmin, is bound to him.
Paṅke sayāno pariphandamāno, Dīpā dīpaṁ upaplaviṁ; Athaddasāsiṁ sambuddhaṁ, Oghatiṇṇamanāsavaṁ”.
Lying floundering in the mud, I drifted from island to island. Then I saw the Buddha, the undefiled one who has crossed the flood.”
“Yathā ahū vakkali muttasaddho, Bhadrāvudho āḷavigotamo ca; Evamevaṁ tvampi pamuñcassu saddhaṁ, Gamissasi tvaṁ piṅgiya maccudheyyassa pāraṁ”.
“Just as Vakkali was committed to faith— Bhadrāvudha and Gotama of Āḷavī too— so too you should commit to faith. You will go, Piṅgiya, beyond the domain of death.”
“Esa bhiyyo pasīdāmi, Sutvāna munino vaco; Vivaṭṭacchado sambuddho, Akhilo paṭibhānavā.
“My confidence grows as I hear the word of the sage, the Buddha with veil cast off, so kind and eloquent.
Adhideve abhiññāya, Sabbaṁ vedi varovaraṁ; Pañhānantakaro satthā, Kaṅkhīnaṁ paṭijānataṁ.
Having directly known all about the gods, he understands all top to bottom, the Teacher who settles all questions for those who admit their doubts.
Asaṁhīraṁ asaṅkuppaṁ, Yassa natthi upamā kvaci; Addhā gamissāmi na mettha kaṅkhā, Evaṁ maṁ dhārehi adhimuttacittan”ti. Pārāyanavaggo pañcamo. Suttuddānaṁ
The unfaltering, the unshakable: that to which there is no compare. For sure I will go there, I have no doubt of that. Remember me as one whose mind is made up.”
Urago dhaniyopi ca, Khaggavisāṇo kasi ca; Cundo bhavo punadeva, Vasalo ca karaṇīyañca; Hemavato atha yakkho, Vijayasuttaṁ munisuttavaranti.
Paṭhamakaṭṭhavaro varavaggo, Dvādasasuttadharo suvibhatto; Desito cakkhumatā vimalena, Suyyati vaggavaro uragoti.
Ratanāmagandho hirimaṅgalanāmo, Sucilomakapilo ca brāhmaṇadhammo; Nāvā kiṁsīlauṭṭhahano ca, Rāhulo ca punapi vaṅgīso.
Sammāparibbājanīyopi cettha, Dhammikasuttavaro suvibhatto; Cuddasasuttadharo dutiyamhi, Cūḷakavaggavaroti tamāhu.
Pabbajjapadhānasubhāsitanāmo, Pūraḷāso punadeva māgho ca; Sabhiyaṁ keṇiyameva sallanāmo, Vāseṭṭhavaro kālikopi ca.
Nālakasuttavaro suvibhatto, Taṁ anupassī tathā punadeva; Dvādasasuttadharo tatiyamhi, Suyyati vaggavaro mahānāmo.
Kāmaguhaṭṭhakaduṭṭhakanāmā, Suddhavaro paramaṭṭhakanāmo; Jarā mettiyavaro suvibhatto, Pasūramāgaṇḍiyā purābhedo.
Kalahavivādo ubho viyuhā ca, Tuvaṭakaattadaṇḍasāriputtā; Soḷasasuttadharo catutthamhi, Aṭṭhakavaggavaroti tamāhu.
Magadhe janapade ramaṇīye, Desavare katapuññanivese; Pāsāṇakacetiyavare suvibhatte, Vasi bhagavā gaṇaseṭṭho.
Ubhayavāsamāgatiyamhi, Dvādasayojaniyā parisāya; Soḷasabrāhmaṇānaṁ kira puṭṭho, Pucchāya soḷasapañhakammiyā; Nippakāsayi dhammamadāsi.
Atthapakāsakabyañjanapuṇṇaṁ, Dhammamadesesi parakhemajaniyaṁ; Lokahitāya jino dvipadaggo, Suttavaraṁ bahudhammavicitraṁ; Sabbakilesapamocanahetuṁ, Desayi suttavaraṁ dvipadaggo.
Byañjanamatthapadaṁ samayuttaṁ, Akkharasaññitaopamagāḷhaṁ; Lokavicāraṇañāṇapabhaggaṁ, Desayi suttavaraṁ dvipadaggo.
Rāgamale amalaṁ vimalaggaṁ, Dosamale amalaṁ vimalaggaṁ; Mohamale amalaṁ vimalaggaṁ, Lokavicāraṇañāṇapabhaggaṁ; Desayi suttavaraṁ dvipadaggo.
Klesamale amalaṁ vimalaggaṁ, Duccaritamale amalaṁ vimalaggaṁ; Lokavicāraṇañāṇapabhaggaṁ, Desayi suttavaraṁ dvipadaggo.
Āsavabandhanayogākilesaṁ, Nīvaraṇāni ca tīṇi malāni; Tassa kilesapamocanahetuṁ, Desayi suttavaraṁ dvipadaggo.
Nimmalasabbakilesapanūdaṁ, Rāgavirāgamanejamasokaṁ; Santapaṇītasududdasadhammaṁ, Desayi suttavaraṁ dvipadaggo.
Rāgañca dosakamabhañjitasantaṁ, Yonicatuggatipañcaviññāṇaṁ; Taṇhāratacchadanatāṇalatāpamokkhaṁ, Desayi suttavaraṁ dvipadaggo.
Gambhīraduddasasaṇhanipuṇaṁ, Paṇḍitavedaniyaṁ nipuṇatthaṁ; Lokavicāraṇañāṇapabhaggaṁ, Desayi suttavaraṁ dvipadaggo.
Navaṅgakusumamālagīveyyaṁ, Indriyajhānavimokkhavibhattaṁ; Aṭṭhaṅgamaggadharaṁ varayānaṁ, Desayi suttavaraṁ dvipadaggo.
Somupamaṁ vimalaṁ parisuddhaṁ, Aṇṇavamūpamaratanasucittaṁ; Pupphasamaṁ ravimūpamatejaṁ, Desayi suttavaraṁ dvipadaggo.
Khemasivaṁ sukhasītalasantaṁ, Maccutatāṇaparaṁ paramatthaṁ; Tassa sunibbutadassanahetuṁ, Desayi suttavaraṁ dvipadaggoti. Suttanipātapāḷi samattā.
The Anthology of Discourses is completed.
Lite mode — plain HTML for e-readers and old browsers. Full version